पहाट

मला सांग आज ती सांज कोणती होती?
हीच काल तुझावर का इतुकी रुसली होती?

मनाचाच मनाशी व्यर्थ संवाद चालू होता..
उत्तरे का प्रश्नांपाशी तशीच खिळली होती?

नको काही सांगू..नको काही बोलू..
दोघान्मधली शांतताच ते सारे बोलत होती..

दरवळला दारी पुन्हा, मोहोर चैत्रातला,
सडा पारिजाताचा, ती अंगणे मुक्त होती..!

उष्ण अबोल्यानंतर चांद रात पडली होती,
आशेच्या किरणान्नीही पहाट पांघरली होती..

- अमोल नेरलेकर