सारे कसे…

सारे कसे नियतीने आधीच ठरवलेले,    
मी मात्र फुकटचे अंदाज बांधलेले..        

मुक्त मनाने मी कधीचे सोडले होते शीड ,
सागराने मात्र आधीच वारे फिरवलेले..  

दारी काल होता, मोगर्याचा मंद गंध,
रोप तेच आज होते मुळातून उपटलेले..

भीक मागण्यासाठी झोळी पसरली होती,
ठिगळ्यांची झाली नक्षी, ते ही फाटलेले..

उगा कशाला करता अंधाराची चर्चा?
मार्गावरील दिवे त्यांनी आधीच विझवलेले..

माझ्यातील अनेकांसाठी प्राण वेचले मी,
माझ्यावरी ते अनेक खुशाल हासलेले..


-- अमोल नेरलेकर | २५ जुलै २०१५